कम्प्यूटर ह्याकर थिए मार्क जुकरबर्ग उनी पढाईमा अत्यन्त कमजोर थिए

फेसबुकका मालिक मार्क जुकरबर्ग अहिले विश्वका सबैभन्दा धनी युवाहरुको अग्रपंक्तिमा पर्छन् । उनले भर्खरै मुस्लिम समुदायको पक्षमा आफू रहेको धारणा सार्वजनिक गरेका छन् । उनको प्रख्याती चुलिदो छ । तर उनीसँग सम्बन्धित तथ्यहरु पनि बाहिर आउन थालेका छन् ।

आज उनले फेसबुकमार्फत संसारभर नाम मात्र कमाएनन्, विश्वमा सबैभन्दा धनी व्यक्तिको सूचीमा पनि पर्न सफल भए ।
सामान्य दन्त चिकित्सकका छोरा जुकरबर्ग सानै देखि कम्प्युटरबारे निकै चासो दिन्थे । उनी स्कुलमा पढ्दा नै उनको वुवाले उनलाई कम्प्युटर ल्याइ दिएका थिए । उनको एउटा क्लिनिक थियो । तर, जुकरबर्गले स्कुलमा राम्रो पर्फमेन्स भने गर्न सकेनन् । स्कुलमा राम्रो गर्न नसकेपछि उनका बुबाले जुकरबर्गलाई कम्प्युटरबारे ज्ञान दिन थाले ।
उनीहरुको क्लिनिक मै एउटा कम्प्यूटर थियो । जुकरबर्ग स्कुल जान छाडेर त्यही कम्प्युटर चलाएर बस्थे । जुकरबर्गका बुबाले त्यही कम्प्युटरमा जुकरबर्गलाई काम दिने सोच बनाए । त्यसपछि उनलाई ‘नेटवर्किङ’बारे सिकाउन थाले । बाबुछोराले घर र हस्पिटलको कम्प्युटरबीच ‘नेटवर्किङ’ गर्न सफल पनि भए ।
त्यति नै बेला जुकरबर्गले कम्प्युटर ‘प्रोगामिङ’बारे सिके । थप ज्ञानका लागि उनका बाबुले शिक्षकलाई घरमै आउने प्रबन्ध पनि मिलाइदिए । त्यसपछि जुकरबर्गले ‘ह्याकिङ’ चासो दिन थाले । उनको ‘ह्याकिङ’ दक्षता देखेर माइक्रोसफ्टले उनलाई जागिरको प्रस्ताव गरेको थियो । तर, जुकरबर्गले त्यसलाई अस्वीकार गरिदिए । फेसबुक स्थापना गर्दासम्म जुकरबर्गलाई लाखौँ पैसा तिर्न माइक्रोसफ्टले ११ पटकसम्म ‘अफर’ गरेको थियो । तर, जुकरबर्गले सधैँ अस्वीकार गर्दै आए ।